Լևոն Տեր-Պետրոսյանն իր առանձնատանը ընդունել է ՀՀ-ում ՌԴ դեսպանին

ՀՀ առաջին նախագահ Լևոն Տեր-Պետրոսյանն իր առանձնատանը ընդունել է Հայաստանում ՌԴ դեսպան Սերգեյ Կոպիրկինին։

Ավելի քան մեկ ժամ տևած զրույցի ընթացքում անդրադարձ է կատարվել, մասնավորապես, հայ-ռուսական հարաբերությունների ներկայիս վիճակին և հարավկովկասյան տարածաշրջանում երկարատև խաղաղության ու կայունության հաստատման հրամայականին:

«Առաջին նախագահը հարկ է համարել ընդգծել, որ Ռուսաստանի ներկայությունն Անդրկովկասում հույժ անհրաժեշտություն է, և պատմությամբ հաստատված իրողություն: Հայաստանի ազնիվ և հուսալի բարեկամներն են Ռուսաստանը, Իրանը, Վրաստանը, Ֆրանսիան, Հունաստանը, իսկ մոտ հեռանկարում՝ Չինաստանը և Հնդկաստանը»,–ասված է հաղորդագրության մեջ: