Լեհաստանը սկսում է ամենամեծ ռազմական պատրաստությունը պատմության մեջ

Լեհաստանը մեկնարկում է աննախադեպ մասշտաբի ռազմական պատրաստության ծրագիր, որի նպատակն է մինչև 2026 թվականը մարզել 400,000 կամավորի։ Այս նախաձեռնությունը, որը պաշտպանության նախարար Վլադիսլավ Կոսինյակ-Կամիշն անվանել է «Լեհաստանի պատմության մեջ ամենամեծ ռազմական պատրաստությունը», կոչվում է «Պատրաստության մեջ» (W gotowości)։

Reuters գործակալության հաղորդմամբ՝ ծրագիրը կլինի կամավորական և բաց է բոլոր քաղաքացիների համար՝ սկսած դպրոցականներից մինչև աշխատող չափահասներ, ընկերություններ և տարեց մարդիկ։ Այն ենթադրում է բնակչությանը տալ անհրաժեշտ գիտելիքներ և հմտություններ՝ արտակարգ իրավիճակներին դիմակայելու համար։

Պատրաստության ծրագիրը ներառում է մի քանի կարևոր բաղադրիչներ, այդ թվում՝ անվտանգության հիմնական դասընթաց, գոյատևման դասեր, բժշկական ցուցումներ, ինչպես նաև դասընթացներ` կիբերհիգիենայի վերաբերյալ։

Լեհաստանի պաշտպանության փոխնախարար Ցեզարի Տոմչիկը ներկայացրել է ծրագրի մոտակա ժամանակահատվածի մասշտաբները։ Նա նշել է, որ «միայն նոյեմբերին և դեկտեմբերին կմարզեն մոտ 20,000 մարդու անհատական մարզումների շրջանակում, սակայն ընդհանուր թիվը հաշվի առնելով մարզումների բոլոր ձևերը, կկազմի մոտ 100,000 մարդ»։

Այսպիսով, Լեհաստանը հստակ հայտ է ներկայացնում իր քաղաքացիների դիմակայունությունն ու պատրաստվածությունը բարձրացնելու համար՝ տարածաշրջանում առկա աշխարհաքաղաքական լարվածության ֆոնին։