Եվրոպան տեղ չունի Ուկրաինայի բանակցություններում. Լավրով

Եվրոպան փորձում է տեղ գրավել Ուկրաինայի վերաբերյալ բանակցությունների սեղանի շուրջ, սակայն, հաշվի առնելով նրա դիրքորոշումը, նա այնտեղ անելիք չունի, հայտարարել է ՌԴ ԱԳ նախարար Սերգեյ Լավրովը՝ Ուկրաինայի շուրջ իրավիճակի կարգավորման թեմայով կլոր սեղանի ժամանակ:

Նրա խոսքով, եվրոպացի առաջնորդները ոչնչի համար պատասխանատվություն չեն կրում, բայց շատ են խոսում այնպիսի բաների մասին, որոնք չեն կարող փոխել։

«Այսպես կոչված խաղաղապահները Ուկրաինայի տարածքում, ըստ էության, կլինեն օկուպացիոն զորքեր և կդառնան ռուսական զինվորականների օրինական թիրախներ», - հայտարարել է Լավրովը։ Փոխարենը, Ռուսաստանի գլխավոր դիվանագետը լավատես է Վաշինգտոնի մասնակցությամբ կարգավորման գործընթացի հարցում։ «ԱՄՆ վարչակազմը հասկանում է Ուկրաինայի հակամարտության առաջնային պատճառները վերացնելու անհրաժեշտությունը, ներառյալ Կիևի՝ ՆԱՏՕ-ին անդամակցելը բացառելը», - նշել է Լավրովը։

Վստահեցրել է, որ ռուսական բանակը երբեք հարվածներ չի հասցնում խաղաղ բնակիչներին։ Փոխարենը նշել է, որ Կիևի կողմից միջազգային մարդասիրական իրավունքի խախտումներն ակնհայտ են։

Լավրովը հայտարարել է, որ Ուկրաինայի տարածքային ամբողջականությունը չի կարող գերակայող լինել մի շարք տարածքներում ապրող մարդկանց իրավունքների նկատմամբ։ «Ամերիկացիները հասկանում են, որ Ղրիմի, Դոնբասի և Նովոռոսիայի բնակիչները երբեք չեն ապրի ներկայիս Կիևի իշխանությունների ճնշման տակ», - հայտարարել է ՌԴ ԱԳ նախարարը։

Նրա խոսքով, Մոսկվան և Վաշինգտոնը քննարկել են, մասնավորապես, Կիևի այնպիսի անընդունելի գործողություններ, ինչպիսին է Ուկրաինայի կանոնական ուղղափառ եկեղեցու արգելքը։

Ուկրաինայում հակամարտությունը չդադարելու մեղավոր նշանակվեց Եվրոպան։ ԵՄ-ն ցանկանում է խափանել Ուկրաինայի հարցով խաղաղ գործընթացը, հայտարարել է Լավրովը։ Նրա խոսքով, խաղաղությունը վրա չի հասնում, քանի որ Կիևը, եվրոպացիների հետ, փորձում է խափանել ԱՄՆ-ի ներկայիս գիծը՝ ուղղված հակամարտության կարգավորմանը։