ԱՄՆ-ը սկսում է լսել Ռուսաստանին հակամարտության պատճառների հարցում․ Լավրով

Ռուսաստանին «տնտեսության կործանում» են կանխատեսում Ուկրաինայում հատուկ ռազմական օպերացիայից ի վեր, սակայն վիճակագրությունը խոսում է հակառակի մասին: Այդ մասին հայտարարել է ՌԴ արտգործնախարարը՝ ՄԳԻՄՕ-ի ուսանողների հետ հանդիպմանը։ Լավրովը նաև մի շարք այլ ուշագրավ ուղերձներ է հղել։

▪️Արևմուտքի գործողությունները, որոնք պահանջում են հրաժարվել ռուսական էներգակիրներից, խաթարում են Մոսկվայի գործընկեր երկրների տնտեսությունը:

▪️Ռուսաստանը չի ուզում որևէ մեկին վրեժ լուծել, չի հրաժարվում նախկին արևմտյան գործընկերներից, սակայն կհաշվի առնի նրանց նախկին գործողությունները:

▪️Ռուսաստանը չի ուզում պատեր կառուցել, պատրաստ է երկխոսության բոլորի հետ, սակայն ուզում է հավասարազոր երկխոսություն:

▪️ԱՄՆ-ը սկսում է լսել Ռուսաստանին հակամարտության առաջնային պատճառների մասին, այդ թվում՝ ռուսերենի ոչնչացման հարցի շուրջ:

▪️Ալյասկայում տեղի ունեցած զրույցը ցույց տվեց, որ Դոնալդ Թրամփը հասկանում է Ուկրաինայի հարցերը լուծելու անհրաժեշտությունը՝ հիմնվելով հակամարտության բոլոր մասնակիցների ազգային շահերի վրա:

▪️Ռուսաստանը և ԱՄՆ-ը կարող են ունենալ ընդհանուր տնտեսական շահեր, այդ թվում՝ աշխատանքը Արկտիկայում և տիեզերքում:

▪️Ռուսաստանը և ԱՄՆ-ը կարող են համագործակցել արհեստական բանականության ոլորտում, սակայն անհրաժեշտ կլինի բարձրացնել փոխադարձ վստահությունը: