Իսրայելի բանակը լայնամասշտաբ հարձակում է սկսել Գազա քաղաքի վրա

Կարդացեք նաև՝

Գազայի դեմ լայնամասշտաբ հարձակման մեկնարկի մասին տեղեկությունները հաստատում է նաև Ալ Ջազիրան։ Ըստ լրատվամիջոցի, քաղաքի բնակիչները հայտնում են, որ իրենք ենթարկվում են «ծանր և անդադար» ռմբակոծությունների՝ այն լուրերի ֆոնին, որ Իսրայելի զինված ուժերը սկսել են ցամաքային հարձակում՝ գրավելու հյուսիսային քաղաքային կենտրոնը։

Հարձակման փաստը հաստատել է նաև պաշտոնական Իսրայելը։ «Գազան կրակի մեջ է։ Մենք չենք նահանջի և չենք թուլացնի ճնշումը, քանի դեռ մեր առաքելությունը ավարտված չէ» - հայտարարել է պաշտպանության նախարար Իսրայել Կացը։

Հարկ է նշել, որ Իսրայելի վարչապետ Բենյամին Նեթանյահուին գործողությունից ձեռնպահ մնալ խորհուրդ էին տվել «Մոսսադ» հետախուզական ծառայության ղեկավարը և Իսրայելի պաշտպանության բանակի գլխավոր շտաբի պետը։ Նրանք զգուշացրել էին, որ հարձակումը կարող է վտանգի տակ դնել իսրայելցի պատանդների կյանքը և հանգեցնել բանակի համար ծանր կորուստների։

Իսրայելի պատերազմը Գազայի դեմ 2023 թվականի հոկտեմբերից ի վեր խլել է առնվազն 64,871 մարդու կյանք և վիրավորել 164,610-ին։ Ենթադրվում է, որ ևս հազարավոր մարդիկ մնացել են փլատակների տակ։ Հոկտեմբերի 7-ի հարձակումների ժամանակ Իսրայելում զոհվել է 1,139 մարդ, իսկ մոտ 200-ը գերի է վերցվել։