Նախատեսվում են հայ-թուրքական նոր բանակցություններ. Թարմացվող

Թուրքիան և Հայաստանը առաջին անգամ կանցկացնեն հանդիպում պատվիրակությունների մակարդակով։ Այդ մասին գրում է Report-ը՝ հղում անելով թուրքական NTV հեռուստաալիքին։ Ըստ հրապարակման՝ հավանական է, որ հանդիպումը տեղի ունենա հաջորդ շաբաթվա սկզբին։ Պլանավորվում է ընդունել որոշ որոշումներ երկկողմանի հարաբերությունների նորմալացման վերաբերյալ, ինչպես նաև քննարկել նախկինում ընդունված որոշումների իրականացումը, գրել է թուրքական աղբյուրը։

Թուրքական կողմից պատվիրակությունը կգլխավորի Հայաստանի հետ հարաբերությունների նորմալացման գխով հատուկ ներկայացուցիչ Սերդար Քըլըչը։

Քըլըչի գլխավորած պատվիրակությունը Ալիջան/Մարգարա անցակետով կմեկնի Հայաստան հաջորդ շաբաթվա սկզբին: Այդ մասին գրում է CNNturk-ը: Միջկառավարական պատվիրակությունների առաջին հանդիպման ժամանակ կարող են որոշումներ կայացվել երկրների միջև հարաբերությունները կարգավորելու վերաբերյալ, նշել է թուրքական լրատվամիջոցը: