Երկրաշարժ՝ Գավառ քաղաքից 13 կմ հարավ-արևելք

Մայիսի 1-ին, տեղական ժամանակով ժամը 07:47-ին, ՀՀ ՆԳՆ Սեյսմիկ պաշտպանության տարածքային  ծառայության սեյսմոլոգիական ցանցի կողմից գրանցվել է 2․8 մագնիտուդով երկրաշարժ` Գավառ քաղաքից  13 կմ հարավ-արևելք: Oջախի խորությունը 10 կմ է։ Էպիկենտրոնային գոտում ստորգետնյա ցնցման ուժգնությունը կազմել է 3-4 բալ:

Ինչպես հայտնում են ՀՀ ՆԳՆ-ից, երկրաշարժը զգացվել է Գեղարքունիքի մարզի Գավառ և Մարտունի քաղաքներում,  ինչպես նաև Երանոս, Վարդաձոր, Ձորագյուղ, Սարուխան, Լանջաղբյուր և Գեղարքունիք գյուղերում՝ 2-3 բալ ուժգնությամբ։