Զինված հարձակում Թուրքիայում. զոհվել է երկու ոստիկան

Թուրքիայի արևմուտքում գտնվող Իզմիր քաղաքում 16-ամյա դեռահասը կրակ է բացել ոստիկանական բաժանմունքի ուղղությամբ: Հարձակման հետևանքով զոհվել է երկու ոստիկան։ Վիրավորների թիվը հասել է 6-ի, առնվազն մեկը՝ ծանր:

Այս մասին հայտնել է համանուն նահանգի գլխավոր դատախազը: Նրա խոսքով՝ վիրավորներից 4-ը քաղաքացիական անձինք են, իսկ երկուսը՝ ոստիկաններ: Միևնույն ժամանակ, ՆԳ նախարար Երլիքայան հաստատել է երկու ոստիկանի զոհվելու փաստը: Նա նշել է, որ հարձակման մեջ կասկածվող 16-ամյա դեռահասը ձերբակալվել է, և դեպքի առթիվ հետաքննություն է սկսվել: