Զինծառայության ժամկետի կրճատումը քվե շահելու համար չէ․ Պապիկյանը ԱԺ-ում

Պարտադիր զինծառայության ժամկետը 2-ից 1,5 տարի դարձնելու օրենքը, որը ուժի մեջ պետք է մտներ հուլիսից, կսկսի գործել հաջորդ տարեսկզբից՝ 6 ամիս ավելի շուտ, արդեն հունվարի 7-ին մեկնարկող զորակոչից։ Ազգային ժողովի պաշտպանության և անվտանգության հարցերի մշտական հանձնաժողովը հավանություն տվեց օրինագծին։ Պաշտպանության նախարար Սուրեն Պապիկյանի խոսքով՝ ժամկետի կրճատումը հնարավոր է դարձել վերջին տարիներին պայմանագրային զինվորական ծառայության գրավչության ավելացման և ընդլայնման ուղղությամբ գործադրված ջանքերի շնորհիվ: