Զինծառայողի կյանքին վտանգ չի սպառնում. ՊՆ

Նախնական տվյալներով՝ զինծառայողը թեթև մարմնական վնասվածք է ստացել զենքի օգտագործման կանոնների խախտման հետևանքով, նրա առողջությանը և կյանքին վտանգ չի սպառնում:

«Զինծառայողի բուժումը կազմակերպվել է կայազորային հոսպիտալում, և Երևանի Կենտրոնական կլինիկական զինվորական հոսպիտալ տեղափոխելու անհրաժեշտություն չի առաջացել»,- նշվում է ՀՀ ՊՆ հաղորդագրության մեջ։

Գերատեսչությունից հայտնում են, որ մամուլում տարածված «Զինվորի են գտել՝ հրազենային վնասվածքով. ի՞նչ է կատարվել Կապանում» վերնագրով հրապարակման կապակցությամբ արդեն տրվել է մեկնաբանություն լրատվամիջոցին։