Զելենսկին շնորհակալություն է հայտնել Խաչատուրյանին շնորհավորանքի համար

Ուկրաինայի նախագահ Վոլոդիմիր Զելենսկին «Х» սոցիալական ցանցում գրառման մեջ շնորհակալություն է հայտնել Հայաստանի նախագահ Վահագն Խաչատուրյանին՝ Ուկրաինայի Անկախության օրվա առթիվ շնորհավորանքի համար։

«Ուկրաինան գնահատում է Հայաստանի դիրքորոշումը մեր երկրի տարածքային ամբողջականության հարցում, ինչպես նաև մեր երկրին տրամադրվող հումանիտար օգնությունը», – գրել է Զելենսկին։

Նա նաև հանգամանորեն գովաբանել է Ադրբեջանի և Թուրքիայի առաջնորդներին, որոնք նույնպես շնորհավորել են նրան Ուկրաինայի անկախության օրվա կապակցությամբ։

Դիմելով Ալիևին՝ Զելենսկին շեշտել է, որ իրենք անհամբեր սպասում են իրենց ռազմավարական գործընկերության զարգացմանը՝ հանուն Ուկրաինայի ու Ադրբեջանի բարօրության։