Թրամփը առաջիկայում Պուտինի հետ հեռախոսազրույց կունենա

Միացյալ Նահանգների նախագահ Թրամփը՝ Նյու Յորքում թենիսի Ամերիկայի բաց առաջնությունից վերադառնալուց հետո լրագրողներին ասել է, որ առաջիկա օրերին զրույց կունենա Վլադիմիր Պուտինի հետ։

«Մենք կկարգավորենք Ռուսաստանի և Ուկրաինայի միջև իրավիճակը։ Ես վստահ եմ, որ մենք դա կանենք», - ասել է Սպիտակ տան ղեկավարը։ Թրամփը հիշեցրել է, որ ինքը կարգավորել է յոթ հակամարտություն, որոնց դադարեցումը համարվում էր անհնար։ Ըստ նրա՝ մեկ հակամարտությունը տևել է 31 տարի և խլել է 10 միլիոն մարդու կյանք, իսկ մյուսը՝ 34 տարի, 8 միլիոն զոհով։ «Բոլորը հաշտվել են, բոլորը երջանիկ են։ Այն մեկը, որը ես կարծում էի, որ ինձ համար ամենահեշտն էր, հաշվի առնելով Պուտինի գործոնը, կարծում էի, պետք է ավելի հեշտ լիներ։ Բայց դա տեղի չունեցավ, բայց մենք միևնույն է կհասնենք հաշտության», - վստահեցրել է Թրամփը։