Լեզվական վարժանքներ են․ Զախարովան` Փաշինյանի հայտարարության մասին

«2020-2022 թվականների եռակողմ համաձայնագրերը մնում են արդիական, դրանցից ոչ մեկը չի հրաժարվել, և այդ փաստաթղթերը հիմա էլ գոյություն ունեն»-, օգոստոսի 29-ին կայացած ճեպազրույցի ժամանակ հայտարարել է Մարիա Զախարովան։ Օգոստոսի 28-ին կայացած ճեպազրոււյցի ժամանակ ՀՀ վարչապետի հայտարարությունը, թե նոյեմբերի 9-ը մնաց նոյեմբերի 9–ում, անվանել է «լեզվական վարժանքներ»։

Ադրբեջանի հետ հաղորդակցությունների ապաշրջափակման համատեքստում Ռուսաստանը արտատարածքային ռեժիմ չի առաջարկել՝ Հայաստանի տարածքով ուղևորների և բեռների տարանցման համար, հայտարարել է Զախարովան։

«Հաշվի առնելով Ռուսաստանի և Հայաստանի միջև ԵԱՏՄ ընդհանուր տարածքը՝ նման ռեժիմը նույնիսկ տեսականորեն չէր կարող դիտարկվել»,–ասել է ՌԴ ԱԳՆ ներկայացուցիչը։