Եվրոպան՝ արտաքին ճնշումների և ներքին տարաձայնությունների թիրախ

Ըստ Financial Times-ի և The Economist-ի՝ Եվրոպան դարձել է արտաքին ուժերի խաղերի թիրախ։ ԵՄ-ն, վախենալով կորցնել ամերիկյան ռազմական «հովանոցը», ԱՄՆ-ի հետ կնքել է առևտրային ոչ շահավետ համաձայնագիր։

Միևնույն ժամանակ Չինաստանը, Ռուսաստանը և Թուրքիան ուժեղացնում են իրենց ազդեցությունը Բալկաններում, իսկ Բրյուսելը թվում է պառակտված և խոցելի։

Այս ֆոնին Ֆրանսիան և Գերմանիան հանդես են գալիս արհեստական բանականության (ԱԲ) մասին ԵՄ օրենքի՝ բարձր ռիսկային համակարգերին վերաբերող դրույթների ուժի մեջ մտնելը հետաձգելու օգտին։ Բեռլինում կայացած գագաթնաժողովին Էմանուել Մակրոնը հայտարարել է. «Մեզ ժամանակ է պետք՝ նորարարություններն արագացնելու համար»։

Այս մարտահրավերներին Եվրոպան արձագանքում է արտաքին միասնականությամբ, բայց ներքին պառակտվածությամբ։ Եվրոպական երկրների մեծ մասը կողմ է արտահայտվում պատերազմի նախապատրաստվելուն՝ բաց կամ քողարկված ակնարկելով, որ սպառնալիք են տեսնում Ռուսաստանից։ Իսկ որոշ երկրներ, օրինակ, Հունգարիան, բացահայտ կողմ են արտահայտվում Ռուսաստանի հետ հարաբերությունների կարգավորմանը և տարբեր առիթներով դեմ արտահայտվում հակառուսական պատժամիջոցներին։