Երևանում զենք-զինամթերք է հայտնաբերվել գերեզմանատան մոտ

Սեպտեմբերի 19-ին ՆԳՆ ոստիկանության օպերատիվ կառավարման կենտրոն զանգահարած քաղաքացին հայտնել է, որ Զեյթունի գերեզմանատան մոտ զենք-զինամթերք է թողել:

Համայնքային ոստիկանության Քանաքեռ-Զեյթունի բաժնի ծառայողները նշված վայրում հայտնաբերել են տարբեր տրամաչափի 391 փամփուշտ, պայթուցիչներ, նռնակ, որսորդական հրացան և ինքնաձիգի մասեր:

ՆԳՆ ոստիկանությունը հորդորում է քրեական պատասխանատվությունից խուսափելու համար կամավոր հանձնել ապօրինի պահվող զենք-զինամթերը։