Երևանի Լենինգրադյան փողոցը վերանվանվեց Քըրք Քըրքորյանի անունով

Ավագանին ընդունեց Երևանի «Լենինգրադյան» փողոցը անվանափոխելու մասին որոշումը։ Հետայսու այն կկրի ազգային բարերար Քըրք Քըրքորյանի անունը։

Նախագիծը ավագանու նիստին ներկայացրել է «Հանրապետություն» խմբակցության ղեկավար Անի Խաչատրյանը:

Ավագանու «Մայր Հայաստան» խմբակցության ղեկավար Մանուկ Սուքիասյանը կարծիք է հայտնել, թե որոշումը քաղաքական բաղադրիչ ունի, և խմբակցությունը ձեռնպահ է քվեարկելու նախագծին:

Ավագանու «Հանրային ձայն» խմբակցության անդամ Արտակ Գալստյանը հայտարարել է, որ խմբակցությունը կողմ է քվեարկելու նախաձեռնությանը, և կարծիք հայտնեց, թե պետք չէ հարցը քաղաքականացնել:

Նախագիծը հաստատվեց ձայների Կողմ - 37, Դեմ - 2, Ձեռնպահ -18 հարաբերակցությամբ։