ԵՄ առաքելությունը կշարունակի դիտորդությունը Հայաստանում

ԵՄ-ն ՀՀ-ում կշարունակի դիտորդական առաքելությունն իր մանդատի հիման վրա, և այս պահին որևէ փոփոխության անհրաժեշտություն չկա։ Այդ մասին «Ազատությանն» ասել է ՀՀ-ում ԵՄ դեսպանը՝ պատասխանելով հարցին, թե արդյոք Երևանի և Բաքվի միջև խաղաղության համաձայնագրի նախաստորագրումից հետո սահմանին երրորդ ուժերի դուրսբերման հարց չի ծագել։

Հարցին, թե որևէ քննարկում եղե՞լ է Վաշինգտոնում համաձայնագրի նախաստորագրումից հետո, Մարագոսը պատասխանել է. - «Պետք է ընդգծեմ, որ ՀՀ-ում ԵՄ առաքելությունը այստեղ է գտնվում ՀՀ-իի խնդրանքով, և այն կշարունակի մնալ այստեղ այնքան ժամանակ, որքան դրա անհրաժեշտությունը լինի։ Այն խաղաղության և կարգավորման գործիք է։ Եվ մենք լիովին սատարում ենք դրան»։