ԱՄՆ-ն Ուկրաինա զորք ուղարկելու ծրագիր է մշակում

Ուկրաինայի տարածքում օտարերկրյա զինվորականներ տեղակայելու ծրագիրը մշակվում է ԱՄՆ-ի և մի շարք դաշնակիցների աջակցությամբ, հայտնում է The Wall Street Journal-ը՝ հղում անելով իր աղբյուրներին:

Ըստ հանդեսի, արդեն հաստատվել է ծրագիր, որը նախատեսում է ավելի քան տասը հազար զինծառայողների ուղարկում, որոնք կբաժանվեն երկու խմբի. մեկը կզբաղվի ուկրաինացի զինվորականների վերապատրաստմամբ, իսկ մյուսը՝ անվտանգության ապահովմամբ:

Ծրագրի քննարկմանը մասնակցում են բարձրաստիճան ամերիկացի գեներալներ, այդ թվում՝ ՆԱՏՕ-ի ամերիկյան հրամանատարության ղեկավարը:

«Այս ծրագրերը մշակվել են մի շարք ամերիկացի գեներալների մասնակցությամբ, որոնք ներգրավված էին քննարկումներում: Այդ թվում՝ Հյուսիսատլանտյան դաշինքի գործողությունների համար ՆԱՏՕ-ի ամերիկյան հրամանատարության ղեկավարը»,- իր աղբյուրի խոսքերն է մեջբերում The Wall Street Journal-ը: