Ուկրաինայի նոր վարչապետը խոսել է բանակի ուժեղացման իր ծրագրերի մասին

Ուկրաինայի նոր վարչապետ Սվիրիդենկոն նշել է կառավարության առաջին կես տարվա առաջնահերթությունները։ Դրանք են՝ բանակի որակյալ ապահովումը, սեփական զենքի արտադրության ընդլայնումը և ուկրաինայի զինված ուժերի տեխնոլոգիական մակարդակի բարձրացումը։ Սվիրիդենկոն նաև հայտնել է, որ արդեն սկսվել են պետական ապարատի օպտիմալացման և ծախսերի աուդիտի աշխատանքները:

Իսկ ո՞վ է այս հավակնոտ ծրագրերը ներկայացնող և պաշտպանող տիկինը՝ պատերազմող Ուկրաինայի նոր վարչապետ Յուլիա Սվիրիդենկոն։ Զբաղեցրել է տնտեսության նախարարի և փոխվարչապետի պաշտոնները։

Հանքավայրերի վերաբերյալ ԱՄՆ-Ուկրաինա բանակցություններում կարևոր դեր է ունեցել, ունի հստակ, գրեթե ծայրահեղ հակառուսական դիրքորոշում։ Բազմիցս հայտարարել է, որ խաղաղությունը հանարվոր է միայն հաղթանակի դեպքում, իսկ Ուկրաինայի անվտանգության ապահովման լավագույն տարբերակը համարում է նրան ՆԱՏՕ-ի հովանոցի տակ առնելը։