Վաշինգտոնը պատրաստվում է Պուտինի և Զելենսկու հանդիպմանը․ Քերոլայն Լևիթ

Սպիտակ տանը հայտարարել են, որ Վաշինգտոնը պատրաստվում է Պուտինի և Զելենսկու հանդիպմանը, իսկ Վենսը, Ռուբիոն և Ուիթքոֆը կհամակարգեն Ռուսաստանի և Ուկրաինայի միջև հանդիպման նախապատրաստական աշխատանքները: Այս մասին հայտնել է Սպիտակ տան մամուլի քարտուղար Քերոլայն Լևիթը։

Նա շեշտել է՝ Վաշինգտոնի համար թեման այնքան կարևոր է, որ Թրամփը հրաժարվել է արձակուրդ գնալ Ուկրաինայի հարցով բանակցությունների պատճառով։ Միաժամանակ, նա վերահաստատել է, որ ուկրաինական հողում ամերիկյան զորքեր չեն լինի։

«Մենք, անշուշտ, կարող ենք օգնել համակարգմանը և, հնարավոր է, տրամադրենք անվտանգության այլ երաշխիքներ»,- նշել է Լևիթը։