Վենեսուելայի F-16 կործանիչները թռիչք են կատարել ԱՄՆ ռազմանավի վրայով

Վենեսուելայի ռազմական ինքնաթիռները երկու օրվա ընթացքում երկրորդ անգամ են թռիչք կատարել ԱՄՆ-ի USS Jason Dunham էսկադրոնային ականակրի հարևանությամբ:

Միջադեպը տեղի է ունեցել Հարավային Ամերիկայի ափերի մոտ՝ միջազգային ջրերում, հաստատել են Պենտագոնի աղբյուրները CBS News-ին՝ այդ գործողություններն անվանելով «մկան ու կատվի խաղ»:

Վենեսուելայի F-16 կործանիչները թռիչք են կատարել ԱՄՆ ռազմանավի վրայով հինգշաբթի գիշերը: Արդյո՞ք դրանք զինված էին՝ հայտնի չէ:

Dunham-ը, որը հագեցած է «Իջիս» կառավարվող հրթիռների համակարգով, կրակ չի բացել, հայտարարել են ամերիկացի պաշտոնյաները: Միևնույն ժամանակ, ինքնաթիռը գտնվել է նրա զենքի հասանելիության սահմաններում, ընդգծել են պաշտոնատար անձինք:

Նույն օրը ավելի վաղ նույն նավի վրայով թռիչք են կատարել ևս երկու F-16 կործանիչ: Պենտագոնը սա անվանել է «չափազանց սադրիչ քայլ», «նպատակաուղղված թմրանյութերի դեմ պայքարի գործողություններին խոչընդոտելուն»:

USS Jason Dunham-ը ԱՄՆ ռազմանավերի նավատորմի մաս է կազմում, որոնք, ըստ Պենտագոնի, տեղակայվել են տարածաշրջանում՝ հանցավոր կազմակերպությունների և թմրանյութերի ահաբեկչության դեմ պայքարելու համար:

Նախօրեին պլաններին ծանոթ աղբյուրը հաստատել է, որ ԱՄՆ-ն Կարիբյան ավազան է ուղարկում 10 F-35 կործանիչ՝ թմրակարտելների դեմ գործողություններ իրականացնելու համար: