Կովկասը Իրանի անվտանգության գոտին է եղել. Վելայաթի

Կովկասը պատմականորեն Իրանի համար անվտանգության ռազմավարական բուֆերի դեր է ունեցել, X-ի իր միկրոբլոգում գրել է Իրանի գերագույն հոգևոր առաջնորդի խորհրդական Ալի Աքբար Վելայաթին։

Թեհրանի բարձրաստիճան ներկայացուցիչն ընդգծել է, որ Կովկասն այդ դերը կատարել է հազարավոր տարիներ առաջ, դեռևս Աքեմենյանների դինաստիայի պարսից արքա Կյուրոս Երկրորդ Մեծի ժամանակներից: Վերջինս Կովկասում ամրություններ է կառուցել՝ կանխելու վայրի ցեղերի ներխուժումը, նշել է Վելայաթին։