Աննա Վարդապետյանը հանդիպել է Սաուդյան Արաբիայի գլխավոր դատախազի հետ

ՀՀ գլխավոր դատախազ Աննա Վարդապետյանը Սինգապուր կատարած աշխատանքային այցի շրջանակում հանդիպել է Սաուդյան Արաբիայի գլխավոր դատախազ, Շեյխ Սաուդ Բին Աբդուլլահ Ալ-Մուջիբին: Այդ մասին հայտնում են ՀՀ գլխավոր դատախազությունից։

Վարդապետյանն ընդգծել է, որ երկու երկրների դատախազությունների միջև քրեական գործերով միջազգային-իրավական համագործակցությունը զարգացնելու մեծ ներուժ կա:

Հանդիպման ընթացքում կողմերը անդրադարձել են փոխադարձ հետաքրքրություն ներկայացնող մի շարք հարցերի և քննարկել համագործակցության հեռանկարները: