Վարազդատ Լալայանը դարձել է աշխարհի կրկնակի չեմպիոն

Փարիզի Օլիմպիական խաղերի փոխչեմպիոն, աշխարհի արդեն կրկնակի չեմպիոն, Եվրոպայի կրկնակի չեմպիո Վարազդատ Լալայանը պարգեւատրվել է երեք ոսկե մեդալներով: Նորվեգիայի Ֆյորդե քաղաքում ավարտված ծանրամարտի աշխարհի առաջնությունում Լալայանը հավասարը չունեցավ +110 կգ քաշայինների պայքարում: Երկամարտում Հայաստանի ներկայացուցիչը գրանցեց 461 կգ արդյունք (211+250):

Վարազդատ Լալայանի պատվին Ֆյորդեի դահլիճում հնչեց Հայաստանի հիմնը, բարձրացվեց եռագույն դրոշը:

Աշխարհի փոխչեմպիոնի կոչումը նվաճել է Բահրեյնը ներկայացնող Գոռ Մինասյանը: Նա պարգետարվել է երեք արծաթե մեդալներով: Երկամարտում Մինասյանը գրանցեց 447 կգ (205+242):

Բրոնզե մեդալակիր դարձել է Կորեայի Հանրապետության ներկայացուցիչ Յոնվան Սոնը (410 կգ, 175+235):