Վանաձորի կայարանի կշեռքները կփոխանցվեն Հարավկովկասյան երկաթուղուն

ՀՀ կառավարության այսօրվա նիստում ընդունվել է որոշում, ըստ որի Վանաձորի երկաթուղային կայարանում գտնվող վագոնային կշեռքներն ու կշեռքի շինությունը կփոխանցվեն «Հարավկովկասյան երկաթուղի» ՓԲԸ-ին։

Նախագծված կարգավորումը հնարավորություն կտա արդյունավետ կերպով շահագործել Վանաձորի կայարանում առկա ենթակառուցվածքները՝ դրանց վերակառուցումից հետո, ինչպես նաև ապահովել ԱՊՀ անդամ պետությունների երկաթուղային բեռնափոխադրումների պահանջներին համապատասխան գործողությունների իրականացումը։