Մերձավանի գործի շրջանակներում ակտիվ աշխատանքներ են ընթանում․ Արփինե Սարգսյան

Փարաքարի Մշակույթի և երիտասարդության պալատում ընթանում է սպանված համայնքապետ Վալոդյա Գրիգորյանի հոգեհանգիստը։ Հոգեհանգստի արարողությանը մասնակցում էր նաև ներքին գործերի նախարար Արփինե Սարգսյանը։

Լրագրողների հարցերին ի պատասխան Սարգսյանը նշել է, որ գործի շրջանակներում ակտիվ աշխատանքներ են ընթանում։ Խոստացել է նորությունների դեպքում հանրությանը տեղեկացնել։

Նշենք, որ ՀՀ Վարչապետի ու ԱԺ նախագահի անունից ծաղկեպսակներ են ուղարկվել Վալոդյա Գրիգորյանի հոգեհանգստին։

Հիշեցնենք, որ սեպտեմբերի 23-ին, ժամը 23:50 սահմաններում կրակոցներ են հնչել Մերձավանում, սպանվել էին Փարաքարի համայնքապետ Վալոդյա Գրիգորյանը և ընկերը՝ ոստիկանության օպերլիազոր Կարեն Աբրահամյանը, իսկ մեկ վիրավոր տեղափոխվել էր հիվանդանոց։