ԱՄՆ-ը ժամանկավորապես Patriot-ի հրթիռներ չի մատակարարի Ուկրաինային

ԱՄՆ-ն ժամանակավորապես դադարեցրել է մի շարք զինատեսակների, այդ թվում՝ Patriot հակաօդային պաշտպանության համակարգերի հրթիռների մատակարարումը Ուկրաինային, հաղորդում է NBC News-ը՝ վկայակոչելով Պենտագոնում ունեցած աղբյուրները։

Դա պայմանավորված է ԱՄՆ ռազմական պաշարների վերանայման և հնարավոր զինամթերքի պակասի հետ։ Հաղորդվում է, որ պաշտպանության նախարար Փիթ Հեգսեթը հանձնարարել է ստուգել սպառված զինապահուստները։ Եթե պարզվի, որ զինամթերքը անհրաժեշտ է այլ տարածաշրջաններում, ապա մատակարարման կարճատև դադարը կարող է փոխարինվել երկարատև դադարով։