ԱՄՆ-ը պատրաստ է փոխարինել Եվրոպա մատակարարվող ռուսական գազը և նավթամթերքները

Միացյալ Նահանգները պատրաստ է «արդեն այսօր» ամբողջությամբ փոխարինել Եվրոպա մատակարարվող ռուսական գազն ու նավթամթերքները։ Այս մասին Fox News-ի եթերում հայտարարել է ԱՄՆ էներգետիկայի նախարար Քրիս Ռայթը։

«Ամերիկան պատրաստ է այսօր փոխարինել ողջ ռուսական գազը, որը մուտք է գործում Եվրոպա, ինչպես նաև ռուսական բոլոր նավթամթերքները... Մենք ունենք անհրաժեշտ հզորություններ։ Մենք պատրաստ ենք բավարարել նրանց կարիքները, իսկ նախագահ Դոնալդ Թրամփի օրակարգը խաղաղությունն է»,- հայտարարել է Ռայթը։

ԱՄՆ էներգետիկայի նախարարի խոսքով՝ ինքը վերջին օրերին հանդիպումներ է ունեցել եվրոպացի առաջնորդների հետ՝ նրանց վստահեցնելով, որ ԱՄՆ-ն ունի Եվրոպայի էներգետիկ կարիքները բավարարելու կարողություն։