ԱՄՆ-ն Կարիբյան ավազանում զորավարժություններ է անցկացնում

ԱՄՆ ռազմածովային ուժերը և ծովային հետևակը Պուերտո Ռիկոյի հարավում ծավալել են ամֆիբիական զորավարժություններ՝ ծովային դեսանտի իջեցման սցենարով:

Զորավարժությունները անցկացվում են Կարիբյան տարածաշրջանում դիրքերի ամրապնդմանն ուղղված ավելի լայնածավալ գործողության շրջանակներում և ուղղված են Նիկոլաս Մադուրոյի ռեժիմի հետ կապված տրանսազգային թմրամիջոցների ցանցերի դեմ:

Զորավարժությունները, որոնք ղեկավարում է ծովային հետևակի 22-րդ արշավախմբային բրիգադը, ներգրավում են USS Iwo Jima դեսանտային ուղղաթիռակիր նավը և ուղեկցող նավերը:

Զորավարժությունները համընկել են Կարիբյան ծովի տարածք մեծ ռազմական ուժերի՝ առնվազն ութ ռազմանավերի, ավիացիոն ստորաբաժանումների և մեկ սուզանավի տեղափոխման հետ:

Փորձագետների կարծիքով, ԱՄՆ-ի ռազմական ակտիվության ցուցադրական ուժեղացումը ընդգծում է Վենեսուելայի շուրջ աճող լարվածությունը և ազդանշան է տալիս Վաշինգտոնի՝ տարածաշրջանում վճռական գործողությունների պատրաստակամության մասին: