ԱՄՆ-ն դադարեցրել է տվյալների փոխանակումը «Հինգ աչքի» հետ․ Թուլսի Գաբբարդ

ԱՄՆ-ի հատուկ ծառայությունները, Ազգային հետախուզության տնօրեն Գաբբարդի որոշմամբ, դադարեցրել են Ռուսաստանի և Ուկրաինայի միջև խաղաղ բանակցությունների մասին տվյալների փոխանցումը «Հինգ աչք» հետախուզական դաշինքի գործընկերներին, որի մեջ մտնում են ԱՄՆ-ն, Կանադան, Ավստրալիան, Մեծ Բրիտանիան և Նոր Զելանդիան։ Այդ մասին հայտնում է CBS News-ը:

Հուլիսի 20-ին Գաբբարդի կողմից ստորագրված համապատասխան փաստաթուղթը արգելում է հետախուզական տեղեկատվության փոխանցումը, եթե այն նախկինում հրապարակված չի եղել։

Բացառություն է արվել այն տեղեկատվության համար, որը ուղղակիորեն չի վերաբերում բանակցություններին, ինչպես նաև այն տվյալների համար, որոնք ստացվել են դիվանագիտական ուղիներով կամ փոխանցվում են Կիևին՝ ռազմական գործողություններին աջակցելու համար։

Արգելքի սահմանման պատճառները փաստաթղթում չեն բացահայտվում։