Թրամփ. ԱՄՆ-ը հարվածել է թմրանյութերով բեռնված նավի

Թրամփը հայտարարել է, որ Միացյալ Նահանգները Կարիբյան ավազանի հարավային մասում գործողություն է իրականացրել Վենեսուելայից դուրս եկած թմրանյութերով բեռնված նավի դեմ։

Օվալաձև աշխատասենյակում նա լրագրողներին ասել է, որ երբ դուրս գան սենյակից, կտեսնեն, որ րոպեներ առաջ ամերիկացիները կրակ են բացել թմրանյութերով բեռնված նավի վրա։ Նա հավելել է, որ նավի վրա եղել է «շատ թմրանյութ»։

Ըստ պետքարտուղար Ռուբիոյի՝ նավատերը «թմրավաճառության ահաբեկչական կազմակերպություն» է։ Նա գործողությունը բնութագրել է որպես մահացու հարձակում։

Վերջերս Վաշինգտոնը Վենեսուելայի մերձակա ջրեր է ուղարկել իր տորմիղներից մեկը՝ Լատինական Ամերիկայի թմրակարտելներին դիմակայելու համար։