Թրամփը կրկնապատկել է Հնդկաստանից ներմուծվող ապրանքների մաքսատուրքերը

Ամերիկան կրկնապատկել է Հնդկաստանից ներմուծվող ապրանքների մի շարքի համար մաքսատուրքերը՝ 25%-ից մինչև 50%: Այդ մասին հայտնում է Bloomberg-ը՝ հիշեցնելով, որ այդ որոշումը պայմանավորված է Հնդկաստանի կողմից ռուսական նավթի շարունակվող ձեռքբերումներով:

Բացառություն են կազմել միայն որոշ արդյունաբերական ոլորտներ, մասնավորապես՝ էլեկտրոնիկայի արտահանումը, ինչը ժամանակավորապես կպաշտպանի Apple-ի մեծածավալ ներդրումները հնդկական գործարաններում, և դեղագործական արտադրանքը:

Փոխարենը, մաքսերի աճը զգալի է տեքստիլ և զարդեր արտադրող արդյունաբերությունների վրա: