ԱՄՆ-ի B-1 ռմբակոծիչները մոտեցել են Վենսուելայի ափերին

Միացյալ Նահանգները Վենեսուելայի ափերին է մոտեցրել երկու ռազմավարական B-1 ռմբակոծիչ։ Այս մասին հայտնում է AP գործակալությունը՝ նշելով, որ ինքնաթիռներն օդ են բարձրացել Տեխասի Դայես ավիաբազայից։

Տարածաշրջանում լարվածությունը սկսել է աճել օգոստոսից, երբ նախագահ Թրամփը «պատերազմ հայտարարեց վենեսուելական նարկոկարտելներին» և երկրի ափերի մոտ ռազմանավեր ուղարկեց։ B-1 ռմբակոծիչներն ուղարկելուց ավելի վաղ Սպիտակ տան ղեկավարը նաև հայտարարել էր, որ Միացյալ Նահանգները կարող է ցամաքային գործողություն սկսել նարկոկարտելների դեմ։

Այս քայլերը դիտարկվում են որպես ճնշման ուժեղացում Վենեսուելայի վրա՝ կապված թմրամիջոցների շրջանառության դեմ պայքարի հետ։