ՄԱԿ-ը կոչ է անում Իսրայելին դադարեցնել պաղեստինցիների «բռնի անհետացումները»

ՄԱԿ-ն ահազանգում է բաշխման կետերում սնունդ փնտրող պաղեստինցիների «բռնի անհետացման» դեպքերի մասին՝ կոչ անելով Իսրայելին դադարեցնել «սարսափելի հանցագործությունը»։ Այդ մասին գրում է azatutyun-ը։

ՄԱԿ-ը վկայակոչում է յոթ անկախ փորձագետների համատեղ հայտարարությունը, որում տեղեկություններ են մի խումբ պաղեստինցիներ մասին, այդ թվում՝ մեկ երեխայի, որոնք «բռնի անհետացել են» Ռաֆահ քաղաքում օգնության բաշխման կետեր գնալուց հետո։

Մեկ այլ հայտարարության մեջ էլ նշված է, որ Իսրայելի զինվորականներն են «անմիջականորեն ներգրավված օգնություն փնտրող մարդկանց հարկադիր անհետացումներում»։

Իրավապաշտպանները պնդում են նաև, որ Իսրայելի զինվորականները «հրաժարվում են տեղեկատվություն տրամադրել ազատությունից զրկված անձանց ճակատագրի և գտնվելու վայրի մասին»։