Ուկրաինական ԱԹՍ-ն հարվածել է Թաթարստանում «Շահեդների» պահեստին

Օգոստոսի 9-ին, ուկրաինական ԱԹՍ-ն Թաթարստանում հարվածել է մի օբյեկտի, որտեղ պահվում էին «Շահեդ» հարվածային դրոններ և դրանց համար օտարերկրյա բաղադրիչներ, հայտնել է Ուկրաինայի անվտանգության ծառայության մամուլի ծառայությունը:

Հարձակման թիրախը եղել է Քըզըլ Յուլ բնակավայրում գտնվող ռազմական պահեստը, որը գտնվում է Ելաբուգայից 30 կիլոմետր հեռավորության վրա։ Այնտեղ արտադրվում են «Շահեդ» դրոնները: «Անօդաչու թռչող սարքը խոցել է լոգիստիկ հանգույցի շենքը:

Պայթյունից հետո հրդեհ է բռնկվել: Ուկրաինայից մինչև հարվածի կետը հեռավորությունը կազմում է մոտ 1300 կիլոմետր», - ասվում է հաղորդագրության մեջ:

Թաթարստանի իշխանությունները չեն հայտնել ռազմական օբյեկտի վրա հարձակման մասին: