Սոչիի վրա ԱԹՍ-ի հարձակման հետևանքով կա 2 զոհ, 11 վիրավոր

Ուկրաինական ԱԹՍ–ները գիշերը հարձակվել են Սոչիի վրա։ Վտանգը հաշվի առնելով՝ շատ տեղերում էվակուացրել են զբոսաշրջիկներին՝ նրանց հյուրանոցներից տեղափոխելով ապաստարաններ։ Այս ֆոնին օդանավակայաններում չվերթերը հետաձգվել են։ Սոչիի օդանավակայանում 59 մեկնող չվերթ հուլիսի 24-ին ուշացել է։ Եվս 38 ժամանման չվերթ է ուշացում գրանցել։

Սոչիում ուկրաինական ԱԹՍ–ի հարվածի հետևանքով զոհվածների թիվը հասել է 2-ի, հայտնել է նահանգապետ Վենիամին Կոնդրատևը։ Նա մանրամասնել է, որ մեկ այլ անօդաչու թռչող սարքի բեկորներ ընկել են նավթամբարի տարածքում։ Վիրավորվել է 11 մարդ, 4-ը հոսպիտալացվել են, այդ թվում՝ ճանապարհային ոստիկանության աշխատակիցը։