Ուկրաինան հարձակվել է Իլսկի ՆՎԳ-ի վրա

Գիշերը Ուկրաինան հարձակվել է Իլսկի նավթավերամշակման գործարանի վրա Կրասնոդարի երկրամասում: Դրոնի բեկորների անկման հետևանքով բռնկվել է հրդեհ, հայտնել է տարածաշրջանի օպերատիվ շտաբը իր Տելեգրամ ալիքում։ Վիրավորներ չկան, գործարանի անձնակազմը տարհանվել է, ավելացրել են օպերատիվ շտաբում։

Իլսկի նավթավերամշակման գործարանը Ռուսաստանի հարավում ամենամեծ նավթամշակող կոմպլեքսներից մեկն է: 2022 թվականի դրությամբ նրա տարեկան արտադրական հզորությունը կազմել է մինչև 6,6 մլն տոննա նավթ։ Ուկրաինայում պատերազմը սկսելուց ի վեր՝ այն պարբերաբար ենթարկվել է հարձակումների: