Ուկրաինացիները կրկին հարվածել են ռուսական գործարաններին

«Օգոստոսին արտադրությունը նվազել է 21%-ով». անօդաչու սարքերի ուժերի հրամանատար Ռոբերտ «Մադյար» Բրովդին հաստատել է ռուսական նավթավերամշակման գործարանների վրա նոր հարձակումը։ Նրա խոսքով՝ Ռուսաստանում նավթի վերամշակումը օգոստոսի ընդամենը 2 շաբաթվա ընթացքում կրճատվել է 21%-ով, իսկ անցած գիշեր ռուսների մոտ վառելիքի արտադրությունը նվազել է ևս 4,7%-ով։

Սամարայի մարզում գտնվող Նովոկույբիշևսկի նավթավերամշակման գործարանն ունի տարեկան 7 միլիոն տոննա նավթի վերամշակման հզորություն (ընդհանուր ծավալի 2,5%-ը), իսկ Կրասնոդարի երկրամասում գտնվող Աֆիպսկի նավթավերամշակման գործարանը՝ 6,25 միլիոն տոննա (ընդհանուր ծավալի 2,2%-ը):

Հիշեցնենք, որ ոչ ուկրաինական աղբյուրները օրերս քիչ ավելի համեստ, բայց էլի շոշափելի ցուցանիշներ էին հրապարակել այս թեմայի վերաբերյալ՝ նշելով, որ միայն օգոստոսին, ուկրաինացիների հասցրած հարվածների հետևանքով, ռուսների մոտ վառելիքի արտադրությունը նվազել է շուրջ 17%-ով։