Բրիտանիան պատժամիջոցներ է սահմանել Կադիրովի մոր դեմ

Մեծ Բրիտանիան նոր պատժամիջոցներ է սահմանել Կադիրովի մոր և ռուս պաշտոնյաների նկատմամբ։ «Նոր պատժամիջոցներն ուղղված են նրանց դեմ, ովքեր աջակցում են Պուտինի՝ ուկրաինացի երեխաներին բռնի տեղահանելու և նրանց ուկրաինական մշակութային ժառանգությունը ջնջելու փորձերին։

Մեծ Բրիտանիայի արտաքին գործերի նախարարությունը գնահատում է, որ 2022 թվականի ներխուժումից ի վեր մոտ 20,000 երեխա բռնի կերպով տեղափոխվել է Ռուսաստան, որոնցից մոտ 6,000-ը ուղարկվել են «վերակրթման ճամբարներ»։

«Պատժամիջոցներ են սահմանվել, ի թիվս այլոց, Ախմատ Կադիրովի հիմնադրամի, ինչպես նաև հիմնադրամի ղեկավարի և չեչեն առաջնորդ Ռամզան Կադիրովի մոր՝ Այմանի Կադիրովայի նկատմամբ», - նշել է Մեծ Բրիտանիայի կառավարությունը։

Ցանկում ներառված են ռուսական պետության հետ կապված ութ անհատներ և երեք կազմակերպություններ։