Ուիթքոֆը 24-25 ժամ է անցկացրել Պուտինի հետ հանդիպումներում

ԱՄՆ նախագահի հատուկ բանագնաց Սթիվեն Ուիթքոֆը հայտարարել է, որ ընդհանուր առմամբ մոտ 24-25 ժամ է անցկացրել Ռուսաստանի նախագահ Վլադիմիր Պուտինի և նրա մերձավոր շրջապատի հետ հանդիպումների ընթացքում:

Այս գնահատականը նա տվել է օգոստոսի 19-ին Fox News հեռուստաալիքին տված հարցազրույցում: Նա հստակեցրել է, որ դա եղել է «անձնական ժամանակ նրա հետ, ինչպես նաև նրա որոշ մարդկանց հետ»՝ մասնավորապես նշելով ՌԴ նախագահի օգնական Յուրի Ուշակովին և ԱԳ նախարար Սերգեյ Լավրովին:

Հիշեցնենք, որ Ուիթքոֆը բազմիցս մեկնել է Ռուսաստան, որտեղ նրան ընդունել է Ռուսաստանի ղեկավարությունը, ներառյալ Վլադիմիր Պուտինը: Կողմերը քննարկել են, մասնավորապես, Ուկրաինայի հարցով կարգավորման հարցեր: