Ուկրաինայի պատերազմը՝ մեր պատերազմն է․ Լեհաստանի վարչապետ

Լեհաստանի վարչապետ Դոնալդ Տուսկը կոչ է արել արևմտյան երկրների գիտակցել, որ Ուկրաինայում պատերազմը օտար հակամարտություն չէ, այլ «սեփական պատերազմը»։ Այս մասին նա ասել է սեպտեմբերի 29-ին Վարշավայի անվտանգության ֆորումի բացման ժամանակ իր ելույթում։ Նրա խոսքերը մեջբերում է RMF 24-ը։

Տուսկը նշել է, որ թե՛ Վարշավայում, թե՛ այլուր հաճախ լսվում են ձայներ, որոնք ասում են, որ սա մեր պատերազմը չէ և որ այն չպետք է մեզ մտահոգի։

«Մենք պետք է գիտակցենք... որ սա մեր պատերազմն է, քանի որ Ուկրաինայում պատերազմը ընդամենը մի մասն է այն սարսափելի նախագծի, որը ժամանակ առ ժամանակ հայտնվում է աշխարհում։ Եվ այդ քաղաքական նախագծի նպատակը միշտ նույնն է. ինչպե՞ս ստրկացնել ժողովուրդներին», – ասել է Տուսկը։

«Եթե մենք պարտվենք այս պատերազմում, դրա հետևանքները կանդրադառնան ոչ միայն մեր սերնդի, այլև հաջորդ սերունդների վրա։ Լեհաստանում, ողջ Եվրոպայում, Միացյալ Նահանգներում, ամբողջ աշխարհում»,- եվրոպացի գործընկերներին հավաստիացրել է Դոնալդ Տուսկը։