Թուրքիայում զբոսաշրջիկները վարակվել են Vibrio բակտերիայով

Ալանիայի և Բելեքի լողափերում տասնյակ զբոսաշրջիկներ վարակվել են վտանգավոր Vibrio բակտերիայով։

Բակտերիան բազմանում է տաք աղի ջրում և խեցգետնակերպերի միջոցով հայտնվում է աղեստամոքսային համակարգում։ Տուժածները բողոքում են փսխումից, թուլությունից և 38°C-ից բարձր ջերմությունից։

Ալանիայում շտապօգնության մեքենաները գերծանրաբեռնված են, հյուրանոցներում արձանագրվում են հիվանդության զանգվածային դեպքեր։

SY Hotels Belek-ում ախտանշաններ են դրսևորվել հյուրերի մեծ մասի մոտ, իսկ Selectum Noa Belek-ում մի ամբողջ ընտանիք կաթիլային բուժում է ստանում։

Որոշ հանգստացողների վիճակը բարելավվել է միայն տեղի կլինիկաներում բուժում ստանալուց հետո, իսկ զբոսաշրջիկների մի մասը Թուրքիան լքել է չապաքինված՝ վարակը տանելով Ռուսաստան։