Թուրքմենստանը օկուպացված Արցախում մզկիթ կկառուցի․ Ալիև

Օկուպացված Արցախի հարավային թևում՝ Վարանդայում, Թուրքմենստանի մզկիթ կկառուցի։ Այդ մասին տեղեկացրել է Ադրբեջանի նախագահ Իլհամ Ալիևը՝ Թուրքմենստանի, Ադրբեջանի և Ուզբեկստանի միջև բարձր մակարդակի հանդիպումից հետո, մամուլի համար արված հայտարարությունում:

«Ֆիզուլիում գտնվելիս Գուրբանգուլի Մյալիքգուլիևիչը առաջարկեց այս քաղաքում մզկիթ կառուցել՝ որպես Թուրքմենստանի նվեր: Ես երախտագիտությամբ ընդունեցի այդ առաջարկը: Թեև ընդամենը մեկ ամիս է անցել, մզկիթի ճարտարապետական էսքիզն արդեն պատրաստ է, և մոտ ապագայում կդրվի դրա հիմքը», - ավելացրել է Ալիևը:

Տեղեկացրել է նաև, որ նույն բնակավայրում Ուզբեկստանի կառուցած կարի ֆաբրիկայում արդեն աշխատում է ավելի քան երկու հարյուր մարդ: Ծրագիր կա գործարանը մի քանի անգամ ընդլայնել։