Չինաստանը կարող է օգտվել «Թրամփի ուղուց», ԱՄՆ-ի համաձայնությամբ․ Bloomberg

22 ՕԳՍ 2025 10:49

Հայաստանի և Ադրբեջանի միջև տրանսպորտային ուղին, որը կգտնվի ԱՄՆ-ի կառավարման ներքո, կարող է դառնալ Չինաստանի և Եվրոպայի միջև առևտրային երթուղու մաս, եթե Վաշինգտոնը չսահմանափակի դրա օգտագործումը, հայտնել է Bloomberg գործակալությունը՝ հղում անելով անանուն թուրք պաշտոնյաների:

Նրանց խոսքով՝ երթուղու կառավարման բացառիկ իրավունքը ԱՄՆ-ին թույլ կտա որոշել, թե ինչպես է այն օգտագործվելու:

Հետևաբար, Վաշինգտոնի դիրքորոշումից կախված կլինի, թե արդյոք խոշոր արտահանողները, ներառյալ Չինաստանը, կկարողանան առևտրային երթուղիներ անցկացնել դրա միջով:

Ինչպես նշում է գործակալությունը, Թուրքիան տեսնում է Չինաստանի և Եվրոպայի միջև առևտրային կապերի ընդլայնման ներուժ այս միջանցքի միջոցով:

Հիշեցնենք, որ օգոստոսի 8-ին Վաշինգտոնում ԱՄՆ նախագահ Դոնալդ Թրամփի հետ եռակողմ հանդիպման արդյունքում են հստակեցվել երթուղու հետ կապված մանրամասները։

Այն կկոչվի «Թրամփի երթուղի միջազգային խաղաղության և բարգավաճման համար»: Հայաստանը ԱՄՆ-ին տրամադրել է երթուղու կառավարման իրավունքը 99 տարով:

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել