Թուրքիա-Իսրայել․ որքանո՞վ են անկեղծ մեղադրանքներում և ճանաչումներում

Իսրայելի վարչապետ Բենիամին Նեթանյահուի՝ Հայոց ցեղասպանությունը ճանաչելու մասին հայտարարությունը սուր արձագանքներ է առաջացրել Թուրքիայում, որտեղ պաշտոնյաները դա որակել են որպես Գազայում Իսրայելի գործողությունները թաքցնելու փորձ։

Թուրքագետ Տիրան Լոքմագոզյանի կարծիքով՝ Նեթանյահուի խոսքերը լուրջ չեն և չեն նշանակում, որ Իսրայելը պաշտոնապես ճանաչել է ցեղասպանությունը, և Թուրքիա-Իսրայել հարաբերությունները, չնայած արտաքին լարվածությանը, տնտեսական և այլ առումներով բարձր մակարդակի վրա են: