Ծաղիկները՝ ասֆալտին, ծաղկավաճառները՝ սնանկացման վտանգի տակ

Այսօր ծաղկավաճառները հանդիպել են ՍԱՏՄ ներկայացուցիչների հետ, սակայն նշում են, որ խնդիրը հստակ լուծում չի ստացել։

Արդյունքից դժգոհ տնտեսվարողները կրկին հավաքվել են և ի նշան բողոքի՝ իրենց բերած ծաղկեփնջերը նետել են Երևան-Էջմիածին մայրուղու վրա։

Դրանք հավաքել են դեպքի վայր եկած պարեկները։

Ակցիայի մասնակիցները նշում են, որ միլիոնավոր դրամների վնաս են կրել՝ դեպի ՌԴ արտահանման խնդիրների պատճառով։

Հիշեցնենք, որ ծաղկի արտադրությամբ և արտահանմամբ զբաղվողներն այսօր լուրջ խնդիրների առաջ են կանգնել՝ արտադրանքը ռուսական շուկա հասցնելու դժվարությունների հետ կապված։ Պատկան մարմնի ներկայացուցիչների հետ հանդիպմանը փորձել են տարբերակներ գտնել, բայց խնդիրը դեռ մնում է չլուծված, իսկ անցնող ամեն օրը ծաղկի մշակությամբ զբաղվողների համար լրացուցիչ կորուստներ է նշանակում։