Թրամփը հեռանում է ռուս-ուկրաինական բանակցություններից. The Guardian

ԱՄՆ նախագահ Դոնալդ Թրամփը մտադիր է ժամանակավորապես հեռու մնալ ռուս-ուկրաինական կարգավորման շուրջ բանակցություններից՝ ՌԴ առաջնորդ Վլադիմիր Պուտինին և Վլադիմիր Զելենսկուն հնարավորություն տալով ինքնուրույն կազմակերպել երկկողմ հանդիպումը: Այս մասին հայտնել է The Guardian թերթը՝ հղում անելով Թրամփի վարչակազմի աղբյուրին:

Ըստ այդմ, Թրամփը պլանավորում է զբաղեցնել «սպասողական դիրք», որպեսզի տեսնի, արդյոք հնարավոր է նման հանդիպում անցկացնել:

Օգոստոսի 19-ին Ամերիկայի առաջնորդը հայտարարել էր, որ Ուկրաինայի հակամարտության կարգավորման վերաբերյալ բոլոր որոշումները պետք է ընդունեն Պուտինն ու Զելենսկին, քանի որ ԱՄՆ-ը չափազանց հեռու է մարտական գործողությունների վայրից: