Թաիլանդն ու Կամբոջան պատրաստ են քննարկել զինադադարը․ Թրամփ

Թաիլանդը և Կամբոջան համաձայնել են անհապաղ հանդիպել՝ քննարկելու զինադադարը, որից հետո ԱՄՆ-ն կվերսկսի առևտրային բանակցությունները նրանց հետ, ասել է Թրամփը:

Հիշեցնենք, որ ավելի վաղ ԱՄՆ նախագահը հայտարարել էր, թե առևտրային համաձայնագրեր չի կնքի Թաիլանդի և Կամբոջայի հետ, քանի դեռ նրանց միջև զինված հակամարտությունը շարունակվում է: Թրամփն ասել է, որ խոսել է Կամբոջայի վարչապետի հետ Թաիլանդի հետ հակամարտության դադարեցման մասին․

«Այժմ զանգահարում եմ Թաիլանդի վարչապետի պաշտոնակատարին՝ նույն խնդրանքով՝ հրադադարի և ներկայումս մոլեգնող պատերազմի դադարեցման համար»,- գրել էր նա Truth Social սոցցանցում։