Ես շատ զայրացած եմ․ Թրամփը՝ «Դրուժբա» նավթամուղին հարվածելու մասին

Հունգարիայի վարչապետ Վիկտոր Օրբանը նամակով դիմել էր նաև ԱՄՆ նախագահին՝ բողոքելով, թե Ուկրաինան հարվածել է Հունգարիային և Սլովակիային նավթ մատակարարող խողովակաշարին։

«Այս խողովակաշարը նավթ է մատակարարում Հունգարիային և Սլովակիային՝ երկու երկրներ, որոնք չունեն հում նավթի ներկրման այլ աղբյուրներ:

Հունգարիան էլեկտրաէներգիայով և բենզինով աջակցում է Ուկրաինային, իսկ նա ի պատասխան ռմբակոծում է մեր նավթը մատակարարող խողովակաշարը: Ծայրահեղ ոչ բարեկամական քայլ»,- գրել էր Օրբանը։

Թրամփը պատասխանել է Օրբանի նամակին և հայտարարել, որ զայրացած է Ուկրաինայի վրա. «Վիկտոր, տհաճ է լսել այդ մասին: Ես շատ զայրացած եմ: Փոխանցեք Սլովակիային, որ դուք իմ հիանալի ընկերն եք»,- գրել է Թրամփը: