Թրամփը հայտարարել է Վենեսուելայի օդային տարածքը փակելու մասին

ԱՄՆ նախագահ Դոնալդ Թրամփը հայտարարել է Վենեսուելայի օդային տարածքի նկատմամբ խիստ սահմանափակումների կիրառման մասին։ Սպիտակ տան ղեկավարն իր սոցիալական ցանցում կատարած գրառմամբ տեղեկացրել է, որ Վենեսուելայի երկինքն այսուհետ փակ գոտի է հայտարարվում։

«Բոլոր ավիաընկերություններին, օդաչուներին, թմրավաճառներին և մարդկանց թրաֆիքինգով զբաղվողներին խնդրում եմ հաշվի առնել, որ Վենեսուելայի օդային տարածքը և դրա շրջակայքը ամբողջությամբ փակվելու են։ Շնորհակալություն այս հարցին ուշադրություն դարձնելու համար»,- իր սոցանցի էջում գրել է ԱՄՆ նախագահը:

Ուշագրավ է, որ նման կտրուկ քայլը ձեռնարկվում է վերջին շրջանում ակտիվացած խոսակցությունների ֆոնին։

Հիշեցնենք, որ տևական ժամանակ է՝ ակտիվորեն քննարկվում է Վենեսուելայի տարածքում Միացյալ Նահանգների կողմից հնարավոր ռազմական գործողություն իրականացնելու սցենարը։